فوٹو: فائل

اسلام آباد: وفاقی بجٹ میں آئندہ مالی سال کے لیے بڑے اور ترجیحی منصوبوں کی تفصیلات سامنے آگئی۔ 

بجٹ دستاویز کے مطابق آئندہ مالی سال کے بجٹ میں این 25 کوئٹہ کے لیے 100 ارب ، سکھر حیدرآباد موٹروے کے لیے 30 ارب اور ایم ایل ون ریلوے منصوبے کے لیے 25 ارب مختص کیے گئے ہیں۔ 

آئندہ مالی سال سندھ کوسٹل ہائی وے کے لیے 25 ارب، مہران ہائی وے کے لیے 21 ارب اور کراچی بلک واٹر سپلائی کیلئے 10 ارب مختص کیے گئے ہیں۔

بجٹ دستاویز کے مطابق مہمند ڈیم ہائیڈرو پاور پراجیکٹ کیلئے 26 ارب اور  داسو ہائیڈرو پاور پراجیکٹ کے لیے 21 ارب مختص کیے گئے ہیں۔ 

اس کےعلاوہ بجٹ میں دانش اسکولز کی تعمیر کے لیے 22 ارب مختص کیے گئے ہیں جب کہ پرائم منسٹر نیشنل ہیلتھ پروگرام کےلیے بھی 3 ارب رکھے گئے ہیں۔