فوٹو: فائل

حکومت نے موٹرسائیکل سواروں، عوامی ٹرانسپورٹ اور کسانوں کو دی جانیوالی فیول سبسڈی ختم کردی۔

نائب وزیرِاعظم اسحاق ڈار کی زیرصدارت فیول سبسڈی سے متعلق قومی اسٹیئرنگ کمیٹی کا اجلاس ہوا۔

اجلاس میں موٹر سائیکل سواروں، چھوٹے کسانوں کو دی جانے والی فیول سبسڈی ختم کرنے کا فیصلہ کیا گیا، عوامی ٹرانسپورٹ اور مال بردار ٹرانسپورٹ کو دی جانے والی فیول سبسڈی بھی ختم کردی گئی۔

اجلاس کے بعد جاری اعلامیے کے مطابق فیول سبسڈی چاروں صوبوں، جی بی اور آزاد کشمیر میں دی جارہی تھی۔

اعلامیے میں کہاگیاکہ عالمی سطح پر ایندھن کی قیمتوں میں نمایاں کمی آئی ہے، ایندھن کی قیمتوں میں کمی کا فائدہ پہلے ہی صارفین کو منتقل کیا جاچکا ہے،کمیٹی نے وزیراعظم کی منظوری سے سبسڈی ختم کرنے پر اتفاق کیا۔

موٹرسائیکل، رکشا اور 800 سی سی گاڑی والوں کو 50 سے 100 روپے فی لیٹر سبسڈی ملتی تھی پبلک اور اور گڈز ٹرانسپورٹ والوں کو 70 ہزار سے ایک لاکھ روپے ماہانہ سبسڈی ملتی تھی تاکہ کرائےکم رکھے جا سکیں۔

چھوٹےکاشتکاروں کو بھی ڈیزل پر 100 روپے فی لیٹر سبسڈی ملتی تھی۔