فوٹو: فائل

سونے کی قیمتوں میں ایک فیصد سے زائد کی گراوٹ دیکھی گئی۔

عالمی میڈیا کے مطابق اسپاٹ گولڈ 03:56 جی ایم ٹی تک 1.5 فیصد گر کر 4,059.11 ڈالر فی اونس پر آ گیا۔ اگست میں ڈلیوری کے لیے امریکی گولڈ فیوچرز میں 1.1 فیصد کمی ہوئی اور یہ 4,067.10 ڈالر پر ٹریڈ کررہے تھے۔

دوسری جانب قیمتی دھاتوں کی مارکیٹ میں اسپاٹ چاندی 2.9 فیصد کمی کے ساتھ 58.14 ڈالر فی اونس پر آ گئی جبکہ پلاٹینم 1.8 فیصد گر کر 1,598.48 ڈالر اور پیلیڈیم 2.3 فیصد کمی کے بعد 1,247.27 ڈالر فی اونس پر آ گیا۔

مشرقِ وسطیٰ میں کشیدگی بڑھنے کے بعد تیل کی قیمتوں میں تقریباً 4 فیصد اضافہ ہوا جب کہ ڈالر اور امریکی ٹریژری ییلڈز بھی بلند ہو گئیں۔ دوسری جانب ایشیائی شیئر بازاروں میں مندی دیکھی گئی۔

واضح رہے کہ امریکی اور ایرانی افواج نے ایک دوسرے پر میزائلوں اور ڈرونز سے شدید حملے کیے جب کہ اتوار کو تہران نے خلیجی ممالک میں واقع امریکی تنصیبات کو نشانہ بنایا اور اعلان کیا کہ اس نے ایک بار پھر عالمی تجارت کے لیے انتہائی اہم آبنائے ہرمز کو بند کر دیا ہے۔