فوٹو فائل

وزیرِ خزانہ محمد اورنگزیب نے انویسٹ پاک پورٹل کا افتتاح کر دیا۔

تقریب سے خطاب کرتے ہوئے محمد اورنگزیب نے کہا ہے کہ انویسٹ پاک پورٹل کے افتتاح پر گورنر اسٹیٹ بینک کو مبارک باد دیتا ہوں۔

انہوں نے کہا ہے کہ انویسٹ پاک پورٹل سرمایہ کاری کے نئے دور کا آغاز ہے، پاکستان اسٹاک مارکیٹ میں بھی سرمایہ کاری کرنے والوں کی تعداد میں اضافہ ہوا ہے۔

وفاقی وزیر کا کہنا ہے کہ نوجوانوں خصوصاً جین زی کو سرمایہ کاری کی جانب راغب کرنے کی کوشش کی ہے، انویسٹ پاک پورٹل عالمی معیار کی سہولت فراہم کرے گا۔

محمد اورنگزیب نے کہا کہ انویسٹ پاک پورٹل جیسے ڈیجیٹل پلیٹ فارم اہم سنگِ میل ہیں۔

ان کا یہ بھی کہنا ہے کہ معاشی ترقی کے لیے نجی شعبے کا کردار انتہائی اہم ہے، پورٹل سرمایہ کاری کے عمل کو تیز رفتار بنائے گا۔