فوٹو فائل

چیئرمین پاکستان علما کونسل علامہ طاہر اشرفی نے کہا ہے پاکستان نے تیسری عالمی جنگ کو رکوایا ، یہ اسرائیل کی چال تھی کہ مسلمانوں میں اختلاف پیدا کرے۔

پشاور میں پریس کانفرنس کرتے ہوئے علامہ طاہر اشرفی نے کہا کہ عرب دنیا اور عالم اسلام سے اپیل ہے کہ آپس میں بیٹھ کر معاملات حل کریں۔

انہوں نے کہا کہ  پاکستان نے تیسری عالمی جنگ کو رکوایا ، یہ اسرائیل کی چال تھی کہ مسلمانوں میں اختلاف پیدا کرے ۔

علامہ طاہر اشرفی کا کہنا تھا کہ  بلوچستان میں جو ہوا افسوس ناک ہے ، بےامنی اور انتہا پسندی سے نکلنے کا راستہ قوم کا اتحاد ہے۔

علامہ طاہر اشرفی نے کہا کہ تمام مکاتبِ فکر کے علما اور مشائخ نے اسلام کے نام پر دہشت گردی بے گناہ لوگوں کے قتل کو خلافِ شریعت قرار دیتے ہوئے کہا کہ دینِ اسلام کسی بھی بے گناہ کے قتل کی کسی صورت اجازت نہیں دیتا ۔

انہوں نے مزید کہا کہ محرم میں پیغام پاکستان ضابطۂ اخلاق پر عمل درآمد ہوا ، ضابطۂ اخلاق پر عمل نہ کرنے والوں کے خلاف قانونی کارروائی کی جارہی ہے ۔