فوٹو: فائل

کراچی میں آئندہ 24 گھنٹوں کے دوران موسم مرطوب رہنے اور تیز ہوائیں چلنے کا امکان ہے۔

محکمہ موسمیات کے مطابق آئندہ 24 گھنٹوں کے دوران شہر کا موسم مرطوب اور مطلع جزوی ابرآلود رہنےکا امکان ہے۔

محکمہ موسمیات نے بتایا کہ شہر کا کم سے کم درجہ حرارت 28.6 ڈگری سینٹی گریڈ رہا جبکہ زیادہ سے زیادہ درجہ حرارت 34 سے 36 ڈگری تک جاسکتا ہے۔

محکمہ موسمیات نے مزید بتایا کہ کراچی میں صبح اور رات میں کہیں کہیں بوندا باندی ہو سکتی ہے اور شہر میں تیز ہوائیں بھی چلتی رہیں گی۔

محکمہ موسمیات کے مطابق اس وقت ہوا میں نمی کا تناسب 72 فیصد ہے جبکہ سمندری ہوائیں 18کلو میٹر فی گھنٹہ کی رفتار سے چل رہی ہیں۔